توتة توتة

جلست الجدة حبيبة صباح يوم الجمعة تقرأ في شرفة منزلها، كان الجو جميل والشمس مشرقة والسماء صافية وبعض قطع من السحاب الأبيض الجميل تزين زرقتها بأشكال جميلة مختلفة، راحت الجدة تتأمل السماء وجمال السحاب، وفجأة أنتبهت على صوت شجار أثنين من أحفادها، نادت عليهم الجدة لتعرف سبب الشجار، قال كريم كنا نلعب أنا وعمر بالعجلة الموجودة بالحديقة وأتفقنا أن يأخذ كل واحد منا لفة لمدة محدودة، والآن حان دورى ولكن عمر لا يريد أن يعطينى العجلة لآخذ دورى أنا الآخر، قالت الجدة لعمر: هل من العدل أن تظل تلعب بالعجلة طول الوقت وأخوك لا يلعب ؟ فرد عمر ولكني مستمتع جدا، فقالت الجدة وهل ستكون مستمتع جدا أيضا أذا فعل كريم نفس الشىء معك وأخذ يلعب بالعجلة مدة طويلة دون أن يعطيك فرصة ؟ عندئذ سكت عمر وشعر كيف كان تصرفه في منتهى الظلم والأنانية،  فبادر فورا بالأعتذار لكريم ، ووعد الجدة بأنهما سيلعبان سويا بمنتى المحبة والعدل. فرحت الجدة وأخذتهم في أحضانها ونادت على بقية الأحفاد وقعدت تكلمهم أزي يحبوا بعض ويراعوا بعض ويحققوا العدل فى كل أمورهم .

فضيلتنا النهاردة ياولاد هى العدل، لازم ياولاد نأسس العدل فى الأرض ؟ لأن سعادة البشر مش حتتحقق إلا أذا تأسس العدل في نفوس البشر، لازم كل فرد يشعر بحقوق غيره ويعمل على تحقيق ذلك ولو ده ماتحققش بين الأفراد عمره ماحيتحقق بين الأمم والشعوب . 

يتفضل حضرة بهاء الله :

الهي الهي زين رأسي بأكليل العدل وهيكلي بطراز الأنصاف  

                             

كان فيه غراب أسمه (روجي ) كان عايش مع أسرته المتعاونة عيشة سعيدة، وكانت أسرته تحب جيرانها وأصدقاءها وأقاربها وتساعدهم وقت الشدة. وفي يوم من الأيام طار روجي علشان يدور على طعام له ولأسرته ، وقعد يطير ويطير ويطير لغاية مابعد خالص عن بيته ولقى نفسه فى صحراء واسعة مافيهاش إلا نباتات قصيرة بعيدة عن بعضها. حس روجي بالتعب والعطش الشديد بعد رحلته الطويلة المتعبة بحثا عن الطعام ، بص حواليه علشان يدور على الماء هنا وهناك ، بس ما لقاش أى ماء حواليه ، وكل ما الوقت يمر يزداد عطشه، فضل روجى يدور ويدور تانى لغاية مالقى زجاجة بها ماء، جري عليها بكل سرعة،  لكن لما قرب لقى فيها قليل من الماء في القاع . مد رقبته جوه الزجاجة عله يطول الماء، بس ياعينى ماقدرش، حاول أكتر وأكتر برضه، لكنه ماقدرش يوصل للماء، ازداد عطشه مع مرور الوقت، ياترى أعمل أيه ؟  وقف روجى على ساق واحدة من نباتات الصحراء وقعد يدعي ربنا ويدعي علشان يقدر يلاقي حل،  وهو بيدعي بص على الأرض  لقى حصى كتير فجت في دماغه فكرة، قام بكل همة رغم تعبه علشان ينفذها ولم يكسل لحظة، وطلب من ربنا أنه يعطي له القوة ويساعده علشان يروي عطشه ويقدر يرجع لأسرته .

كانت فكرة روغي أنه ينقل الحصى واحدة واحدة ويرميها جوة الزجاجة علشان الماء يرتفع بها ويقدر يشرب ، فضل الغراب وقت طويل وهو ينقل الحصى واحدة واحدة وكل مرة يرتفع الماء أكثر وأكثر، وكل ماكان روجى يتعب، يفتكر أن لسه وراه عمل كتير علشان يوصل لهدفه مهما كانت املصاعب اللى عمالة تقابله، فيزيد نشاطته وقوته .

سمع روجي فجأة صوت رفرفة جناحي طائر من حواليه ، بص بسرعة ………لقى مين ياترى ؟ لقى أبنه الغراب الصغير ومعاه صديقه، كان القلق واضح على الغراب الصغير اللى سأل باباه وقاله أنت فين يابابا قلقنا عليك أنا وماما وكل اللى بيحبوك، أيه اللى حضرتك بتعمله هنا ؟. قعد روجي يحكي لهم حكاية الزجاجة والحصى وحكاية عطشه . قام الأبن بسرعة هو وصديقه وقعدوا يساعدوا الأب وجمعوا الحصى حتى أرتفع الماء بالزجاجة وقدر روجى يشرب من الماء ويروي عطشه وبقى قادر على الطيران، وفي الطريق شكر أبنه وصديقه اللى ساعدوه في الوصول لهدفه، ولما وصلوا كلهم لأسرتهم سالمين شكروا ربنا على فضله ونعمته .

طبعا عرفنا الفضائل اللى لازم كلنا نتعلمها من القصة دي :

الفضيلة الأولى : هى الصبر        والفضيلة التانية: هى الوصول للهدف

ويالا نقرأ مع بعض آيات حضرة بهاء الله :

                                      ياعبادي                                                                                    أنتم أشجار رضواني فتتحلوا بالأثمار البديعة المنيعة، حتى تنتفعوا وينتفع غيركم . ( الكلمات المكنونة -ص102)

                                          ياعبادي

شر الناس من يظهرون في الأرض بلا ثمر إنهم في عداد الأموات محسوبون ( الكلمات المكنونة -ص102 )

أتعلمنا من قصة حمام السلام فضيلة الأدب ومراعاة شعور الآخرين وعلشان كده حنتعلم أغنيتين على الفضائل دي وياريت نحفظهم علشان نغنيهم لأخواتنا أولبابا وماما أو في المدرسة
   1-      أغنية عن فضيلة الأدب

 قالوا عنى طفل وديع          هادي ظريف جدا ومؤدب

 بكلام أهلي فاهم ومطيع      وللناس لطيف ومهذب

 أنا فخور جدا بمبادئي          وبأخلاصي وده من حقي

بس الفضل ده كل الفضل      كل الفضل لتعاليم ربي

2- مناجاة عن فضيلة مراعاة شعورالآخرين

كن في الوجه طلقا          وللظمآن بحرا

كن للفقراء كنزا            وللهم فرجا

كن للمنادي مجيبا          وفي الحق أمينا

كن للمستجير حصنا       وللضرير بصرا 

كن لمن ضل صراطا      وفي الظلمة سراجا

 كن للغريب وطنا           وللمريض شفاءا

كن لبيت الأخلاق عرشا     ولجسد العالم روحا             

ولأفق العالم نورا               نورا    نورا  

حبايب قلب بابا جدوالصغار الحلوين بكتب لكم اليوم حدوتة طفل أسمه يوسف كان عايش مع باباه ومامته فى بيت وله جنينة وكان باباه ومماته بشتغلوا، وكل يوم الصبح يروحوا شغلهم وكانت مامته كل يوم قبل ماتروح الشغل تقول ليوسف ماتفتحش الباب لأي حد يخبط عليك علشان الحرامية والناس الوحشين وعلشان يوسف كان ولد مؤدب وبيسمع الكلام كان بيقول لمامته حاضرولما باباه ومامته بيرجعوا من الشغل ويتغدوا كان يوسف يستأذن باباه يلعب مع أصحابه من ولاد الجيران وفي يوم من الأيام سمع يوسف صاحبه سمير بيقول تعالوا نتفرج على الست العجوزة اللى موش قادرة تمشي اللي ساكنة آخر الشارع وجري هو وأصحابه ناحية بيت له سور خشب وعند السور الخشبي وقفوا يبصوا على البيت ، وفجأة الباب بتاع البيت أتفتح وخرجت ست عجوزة ما سكة في أيدها عصاية عمالة تمشي عليها وضهرها محني من شدة الكبر، وماسكة في الأيد التانية طبق كبير، والعجيبة أن أول الست ماخرجت من الباب لقينا حمام كتير عمال يطير حواليها ويقف على أكتافها وراسها وعمال ينزل ياكل من الطبق اللى الست مسكاه منظر كان شكله حلو قوي ، سمير صاحب يوسف لما شاف المنظر ده قعد يضحك ويعيب على الست العجوزة وعلى شكلها ، الست العجوزة لما سمعت ضحك الأطفال راحت بصه ناحيتهم راحو الأطفال جاريين وهم عمالين يضحكوا ويقولوا العجوزة أهى ويغظوها لأنها بتجري ببطء وموش حتقدر تحصلهم  ، لكن يوسف  الوحيد اللى فضل واقف مكانه وهو زعلان من أصحابه، راح يوسف لبيته وحكى لمامته الحكاية،  فرحت مامته  بيوسف علشان ماعملش غلط زى أصحابه وفي اليوم التانى راح يوسف لأصحابه وسألهم ليه أنتم بتعيبوا على الست دي ؟ الست دى طيبة وعندها رحمة بالطيوروبكرة كلنا حنكبر ومنقدرش نمشي زيها،  وراح يوسف يتفرج على المنظر بتاع الحمام من تانى عند الست العجوزة ، لكن الست العجوزة ماخرجتش من البيت وفضل مستني ومستني لكنها ماخرجتش،  فكر يوسف أنه يدخل ويطمن على الست العجوزة راح داخل على باب بيتها وخبط على الباب اللى أتفتح لوحده بدأ يوسف ينده ويقول فيه حد هنا…. فيه حد هنا من غير ما يسمع أي رد دخل خطوتين وبص يمين وشمال لقى العجوزة نايمة على السرير بتتألم من شدة المرض راح جارى يوسف على بيتهم وهو بينده على باباه ومامته وبيقول ألحقوا الست العجوزة ولما عرف باباه أنه دخل بيت العجوزة بدون أذن زعل منه وقاله ماكنش يصح ندخل بيت حد من غير مانستأذن لكن نأجل الكلام ده علشان نلحق العجوزة  . جري بابا يوسف ومامته على بيت الست العجوزة ولما شافوها في حالة مرض شديد طلبوا عربية الأسعاف اللى جت بسرعة وخدتها على المستشفى وبسرعة جروا الأطباء وكشفوا على الست العجوزة وأدوها الدواء،  وبفضل عنايتهم بيها وبعناية الله سبحانه وتعالى خفت الست ورجعت بيتها وكان يوسف كل يوم بيزورها ولما سمير وعادل وحسين شافوا يوسف وهو بيزور الست كل يوم زعلوا من اللى كانوا بيعملوه وراحو أستأذنوا باباهم ومامتهم علشان يعملوا زى يوسف وراحوا هم وباباهم ومامتهم وزاروا الست العجوزة وعرفوا أنها ست طيبة وحنونة، وأتحول ضحك الأطفال ومعايبتهم عليهاالأطفال الى حب وعطف ورحمة وخدمة ، وبدأ يوسف وسمير وعادل وحسين يشاركوا الست الطيبة أطعام الحمام .

القصة دي بتعلمنا فضيلة الأدب وعدم الكلام فى حق الغير ( التعييب ) وكمان الخدمة

يتفضل حضرة بهاء الله: (ياابن الروح ) لا تفتخر على المسكين بافتخار نفسك لاني أمشي قدامه وأراك في سوء حالك وألعن عليك الى الأبد .

(ياابن الوجود) كيف نسيت عيوب نفسك واشتغلت بعيوب عبادي من كان على ذلك عليه لعنة مني .