توتة توتة

 طبعا أحنا عرفنا في حدوتة الأمير والقراصنة إن بعد ما غرقت مركب القراصنة لقي الأمير نفسه نايم على جزيرة من شدة التعب نام لتاني يوم وأما طلعت الشمس ونورت قام وهو بيفكر ياترى حلاقي ناس على الجزيرة دي وقال مفيش فايده لازم أقوم وأعرف بنفسي وهو ماشي شاف قدامه غابة مليانة أشجار فواكه موز وبرتقال وتفاح أخد من الشجرة دي موزه ومن التانية تفاحة وقعد ياكل لأنه كان جعان وبعد مأكل وشرب بص لفوق وشكر ربنا وقال أنا كلت وشربت معدش قدامى الأ أن أعرف هل الجزيرة فيها ناس ولا لأ . وهو ماشي سمع صوت ناس كتيرة فضل يبص عشان يعرف الناس دول جايين منين ، وفجأة شاف بيوت وناس ماشية وعمالة تتكلم عن وحش فسأل واحد من الماشيين أيه الحكاية ؟ قاله روح لقصر الملك وأنت تعرف وشاوروا له على القصر ، راح الأمير للقصر لقى ناس كتير مستنين يعرفوا مين البنت اللى الدور هيجى عليها علشان يودوها قربان للوحش ، أستأذن الأمير من الحرس علشان يخش للملك ولما دخل حيي الملك وعرفه بنفسه وقال أيه الحكاية يامولاي قاله الملك أن هناك وحش بيخرج من البحر كل سنة ولازم نربط بنت من بنات الجزيرة ويخرج وياخدها وينزل الميه ومانعرفش بيحصلها أيه ؟ ولو ماعملناش كده بيكسر البيوت ويموت الناس قاله الأمير وأنتم موش قادرين تموتوه  رد الملاك وقاله محدش قادر عليه لكن حكيم الجزيرة بيقول أن فيه صخرة كبيرة في وسط الجزيرة والسيف محطوط فيها سيف مسحور السيف ده هو اللى ممكن يموت الوحش بس المهم ان اللى يطلعه يكون أنسان شجاع وأحنا موش عارفين الأنسان الشجاع ده موجود فين وفجأة سمع الملكة بتصرخ ، جرى الملك عشان يعرف الحكاية عرف أن بنته هى اللى عليها الدور وحيربطوها للوحش، قعد الملك يعيط على بنته فقاله الأمير أزاى يامولاي تسمح للحرس أنهم يربطوا بنتك للوحش خلي الحرس يحط أي بنت تانية من الشعب،  بص الملك للأمير وقاله أن أساس الملك هو العدل والأنصاف ولو ماكنتش عادل بين شعبي ما أستحقش أن أكون ملك أتكسف الأميرمن نفسه وأتأسف للملك وطلب الأذن من الملك بالمشي وهو ماشي أفتكر كلام الملك أن محدش يقدر ياخد السيف الأ أنسان شجاع راح راجع وطلب أنه يشوف الصخرة الى عليها السيف راح أخدينه على هناك شاف السيف وقرب منه وبكل شجاعة مسك السيف وسمى باسم الله وراح شادد السيف راح طالع،كل الناس هللت وفرحت ، وجري الملك على الأمير وهو بيرجوه أنه ينقذ الأميرة ، جري الامير وركب الحصان وجرى باقصى سرعه لغاية ما وصل عند البحر شاف الاميرة مربوطة راح قاطع الحبل  بالسيف وكان ضهره للبحر وفجأة ………..سمع البحر بيتحرك بقوة وصوت الوحش وهو غضبان ، لف ألأمير بسرعة شاف وحش مخيف كبير وله ديل طويل راح راجع لورا ، بص الوحش مالقاش البنت في المكان اللى أتعود عليه راح الوحش هايج وصارخ صرخة قوية وهو بيص في كل ناحية ، أستغل الأمير الفرصة وراح ضارب الوحش بالسيف بكل قوة في رقبته مرة وأتنين وثلاتة لغايه ما الوحش وقع على جنبه ومات . أحتفل الملك مع شعبه وشكر الأمير وطلب من الأمير أنه يحكي حكايته بس الأمير من التعب قاله سيبني لبكرة الله يخليك، في الحدوتة الجاية حيعرف الملك حكاية  الأمير ياترى حيحصل للأمير أيه مع الملك . والى اللقاء مع الحصان الطيار  .

طبعا كلنا عرفنا فضيلة اليوم ………….برافو شطار ……….أيوة هى العدل والأنصاف أيه رأيكم نطبق الأسبوع ده كله الفضيلة دى . توعدوني ؟

يتفضل حضرة بهاء الله ( أحب الأشياء عندي الأنصاف لا ترغب عنه أن تكن ألى راغبا ولا تغفل منه لتكون لي أمينا وأنت توفق بذلك أن ترى الأشياء بعينك لا بعين العباد وتعرفها بمعرفتك لا بمعرففة أحد في البلاد فكر في ذلك كيف ينبغي أن يكون ذلك من عطيتي عليك وعنايتى لك فأ جعله أمام عينيك )